Hodie, anno bis millesimo sexto decimo, pridie Martias Kalendas, mane Mosquae terribilis casus apertus est, si sane credendum sit universali araneo. Itaque res ita se habet, ut loco ad expectandas machinas, quae subterraneae machinae cives in urbe vehunt, mulier quaedam habitu desipientis capta est, secum abscisum puerile caput habens. Hic ista malefica abscisum caput parvulae puellae civibus ostendendo monstrabat se explosione exterminare minitans et "Allach acbar!" exclamans. Mox apertum est hanc quadam familia mediocriter legitime esse conductam ad parvulam puellam spectandam. Quum parentes cum majore filio domo exissent, mulier quattuor annorum pupam occidit et incendio domicilii facto abscisum caput infantis secum habens item egressa est. Constat mulierem undequadraginta annorum ex Uzbecistano Mosquam advenisse laborem et quaestum pecuniae requisitum. Nunc medicis prodita est, ut mentis valetudinem investigarent. Idem mulier fortasse remedia adhibuisse nuntiatur, quae medicamina possunt insanum efficere hominem.