De Ulixis reditione
Ulixes, naufragio peracto, ad Alcinoum, regem Phaeacum, natando venit. Per multos dies ab Alcinoo benigne acceptus, de suis peregrinationibus narravit, quas et quantas terras et insulas, quae portenta ac monstra, quales pulchras nymphas et veneficas speculatus esset, quam saepe vel fumum Ithacae, patria suae, videre cuperet dixit. Et cum Nausicaa, tenera et formosa filia Alcinoi, pro virtute, audacia et multis malis Ulixem amavisset, is tamen in patriam redire studebat, cum uxorem amabilem et filium Telemachum desideraret. Ob quae multis precibus persuasit regi, ut se quam primum in patriam cum nave remitteret.
Alcinoi auxilio nave exstructa, Ulixes ad Itacham pervenit. Ibi cognovi Penelopam, uxorem suam, de cujus pudicitia fama praeclara esset, a multis viris nobilibus, diversis ex locis, in matrimonium postulari et opes suas rapi. Cum Ulixes clam domum penetravisset, Telemachi auxilio procos, multo vino atque epulis repletos, interfecit. Deinde Ulixem advenisse popularibus cognitum est, a quibis benigne et cum favore acceptus, quae domi gesta essent, cognovit et servos suos merito donis aut suppliciis affecit. Ita Ulixes post viginti annos domum revertit.