Classis Graecorum,cum contra Trojam proficisceretur,ut Helenam domum referret,in portu Aulide tempestate diu retenta est
Cum Agamemno vates convocavisset,ut causam calamitatis cognosceret,Calchas sacerdos haec verba dixit:"Diana tibi irascitur,quod cervam ejus violavisti.
Ergo,nisi filia tua caesa ad aram erit,gratiam deae non recuperabis.
Aufer igitur deae iram atque immola Iphigeniam tuam!"
His verbis auditis,Agamemno filiam suam immolari recusavit
Tamen Ulixes eum commovit,ut sibi eam rem committeret.
Itaque is missus est,ut filiam Agamemnonis in castra adduceret. Ulixes Clytaemnestram,Agamemnonis conjugem,dolo permovit,ut filiam ejus in castra Graecorum mitteret.
Ibi Agamemno jam paratus erat eam immolare.
Tum vero Diana cervam pro ea in aram supposuit Iphigeniamque per nubes in terram Tauricam abstulit ibique sacerdotem templi sui fecit.