Помогите ,ПОЖАЛУЙСТА, с переводом текста
ГАННИБАЛ В ИСПАНИИ. НАПАДЕНИЕ НА САГУНТ. ПОХОД НА ИТАЛИЮ» ПЕРЕХОД ЧЕРЕЗ АЛЬПЫ. ПРИГОТОВЛЕНИЯ РИМЛЯН
In litore Аfriсае contra Italiam sita erat Carthago, urbs antiqua et nobilis. Id fuit caput rei publicae Carthaginiensium, qui praecipue mercatura maritima maximas divitias et potentiam sibi paraverunt et cum ipsis Romanis de principatu contendebant. Multa inter eos bella gerebantur, multi duces rebus terra marique gestis se nobilitaverunt; nobilissimus autem dux Carthaginiensium et periculosissimus hostis populi Romani Hannibal fuit.
Is, puer novem annorum, in Hispaniam ductus a patre, qui ibi bellum gerebat, in castris educatus est. Ibi paulatim oculos omnium in se convertit. Nam omnia strenue et fortiter agebat, nullo labore corpus eius fatigabatur, nullo periculo animus vincebatur; calorem et frigus aeque tolerabat, saepe sagulo militari opertus humi inter custodes iacuit; vestitu inter milites non eminebat, equi tamen et arma conspicua erant; primus in proelium provolabat, ultimus e proelio excedebat. Ob has virtutes a militibus valde colebatur et, cum primum adolevit, ei imperium totius exercitus mandatum est. Tum bellum cum Romanis gerere statuit. Itaque, causam belli quaerens, Saguntum, urbem Romanis sociam, expugnavit. Illi, tanta iniuria irritati, legatos Carthaginem miserunt et Carthaginiensibus bellum indixerunt.