Ascanius, qui alio nomine Iulius apellabatur, Albae Longae regnabat. Post Iulium multi reges Albae Longae erant, quorum Proca Numitorem et Amulium filios habebat. Numitori regnum Albanium jure debebatur. Tamen Amulius, qui fratri suo invidebat et impero potiri cupiebat, Numitorem expellit et Rheam Silviam filiam ejus Vestalem legit. Fabula dicit Rheam Silviam Romulum et Remum geminos peperisse. Amulius matrem in custodiamdandam esse, pueros autem in flumen mittendos esse jubet. Fama est pueros parvulos in ripa Tiberis a regis ministris expositos esse. Tum lupa, a qua pueri forte inventi sunt, eos lacte suo nutriebat. Faustulus pastor regius aliquando pueros videt et uxori suae ad educandum tradit.